குப்பைமேட்டு வாசல்

குப்பைமேட்டு வாசல் 

 

நெகேமியா 3:14

 

இது நகரத்தின் அசுத்தத்தை வெளியேற்ற பயன்படுத்தப்படும் வாயில்.

 

கர்த்தரின் நகரம் தூய்மையானதாக இருக்க வேண்டும். யூதர்கள் தூய்மையில் கவனமாக இருக்க வேண்டும் என்று அவர் கோரினார்.

 

இஸ்ரவேலர்கள் வனாந்தரத்தில் தங்கியிருந்த சமயத்தில், கர்த்தர் லேவியராகமத்தின் நியாயப்பிரமானத்தில், தூய்மை மற்றும் நோய் தடுப்பு விதிமுறைகளின் துல்லியமான விவரங்களைக் கொடுத்தார், அவை நடைமுறையில் குறிப்பிடத்தக்க வகையில் நவீனமானது.

 

இந்தச் நியாயப்பிரமானங்களுக்கு பின்னால் உள்ள சில கோட்பாடுகள் இன்றும் மருத்துவர்களால் கவனிக்கப்படுகின்றன.

 

இந்த குப்பைமேட்டு வாசல், எரேமியா 19: 2 ல் கூறப்பட்டுள்ள கிழக்கு வாசலாய் இருக்கக்கூடும்.

 

இந்த வாசலுக்கு அருகில் தான் கர்த்தர் எரேமியாவை நிறுத்தி அந்த நகரத்தை கண்டித்து, அதைத் தீட்டுப்படுத்தியவர்களுக்கு ஏற்படும் பேரழிவை முன்னறிவிக்க கட்டளையிட்டார்.

 

அவர்கள் அசுத்தமான வழிபாட்டுடன் அந்நிய பாகால் தெய்வங்களுக்காக கர்த்தரை மறந்து மற்றும் கானானிய தெய்வத்தின் நடைமுறையைப் பின்பற்றி தங்கள் பிள்ளைகளை பாகாலுக்கு நெருப்பில் பலியிட்டனர். உடைந்த துண்டுகள் கர்த்தருக்கும் மனிதனுக்கும் பயனற்றவை.

 

குப்பைமேட்டு வாசலுக்கும் பள்ளத்தாக்கிற்கும்  இடையே நெருங்கிய தொடர்பு உள்ளது. குப்பைமேட்டு வாசலுக்கும் சுமாராக 450 மீட்டர் தொலைவிற்கு பின்னர் பள்ளத்தாக்கு வாசலுடன் இணைகிறது.  அக்கால எருசலேமில்  இவ்விரண்டு வாசல்களும் இன்னோன் பள்ளத்தாக்குடன் இணைகின்றன, இது கானானியர்களின் வழிபாட்டு இடத்துடன் தொடர்புடையது.

 

பள்ளத்தாக்கு வாசலுக்கு அருகே உள்ள குப்பைமேட்டு வாசலை, பாவத்தை ஒப்புவித்து பணிகின்ற பீடத்துடன் ஒப்பிடலாம். நடைமுறையில் குப்பைமேட்டு வாசல் என்பது, ஒரு குறிப்பிட்ட நோக்கத்துடன் இருந்தது - சுத்தம் செய்வதற்கென்று.

 

1 கொரிந்தியர் 6 இல், பவுல் இந்த பாவங்களில் சிலவற்றை பட்டியலிட்டு, கொரிந்தியர்களிடம் கூறுகிறார், "உங்களில் சிலர் இப்படிப்பட்டவர்களாயிருந்தீர்கள்; ஆயினும் கர்த்தராகிய இயேசுவின் நாமத்தினாலும், நமது தேவனுடைய ஆவியினாலும் கழுவப்பட்டீர்கள், பரிசுத்தமாக்கப்பட்டீர்கள், நீதிமான்களாக்கப்பட்டீர்கள். " 

 

இந்த வாசல் கடைசி வாசலை இல்லாததாக கர்த்தருக்கு நன்றி!

 

மனுஷனுக்குள்ளே இருந்து புறப்படுகிறதே மனுஷனைத் தீட்டுப்படுத்தும். எப்படியெனில், மனுஷருடைய இருதயத்திற்குள்ளிருந்து பொல்லாத சிந்தனைகளும், விபசாரங்களும், வேசித்தனங்களும், கொலைபாதகங்களும், களவுகளும், பொருளாசைகளும், துஷ்டத்தனங்களும், கபடும், காமவிகாரமும், வன்கண்ணும், தூஷணமும், பெருமையும், மதிகேடும் புறப்பட்டுவரும்.  பொல்லாங்கானவைகளாகிய இவைகளெல்லாம் உள்ளத்திலிருந்து புறப்பட்டு மனுஷனைத் தீட்டுப்படுத்தும் என்றார். மாற்கு 7:20-23.

 

குப்பைமேட்டு வாசலின் மூலம் நாம் பாவத்தை உணர்ந்து அறிக்கை இட்டு, பள்ளத்தாக்கின் வாசலில் குறிப்பிடப்பட்டுள்ள மனத்தாழ்மையுடன் இருப்போமானால் அது பரிசுத்த வாழ்க்கைக்கு நம்மை கொண்டு செல்லும்.

 

 

 

நம் எல்லோருக்கும் நம்முடைய சிரமமான பகுதிகள் உள்ளன. நம் ஒவ்வொருவருக்கும் நம் அகந்தை, பெருமை, தீய எண்ணங்கள் உள்ளன. கர்த்தருக்கு முன்பாக நம்முடைய பாவத்தை ஒப்புக்கொள்வதும், குறிப்பாக 'அசுத்தம்' என்ற வார்த்தையை நம் சொந்த வாழ்க்கையுடன் பயன்படுத்துவதையும் நம்மில் எவருக்கும் எளிதல்ல. 

 

1 பேதுரு 2:22-24

 

அவர் பாவஞ்செய்யவில்லை, அவருடைய வாயிலே வஞ்சனை காணப்படவுமில்லை;  அவர் வையப்படும்போது பதில்வையாமலும், பாடுபடும்போது பயமுறுத்தாமலும், நியாயமாய்த் தீர்ப்புச்செய்கிறவருக்குத் தம்மை ஒப்புவித்தார். நாம் பாவங்களுக்குச் செத்து, நீதிக்குப் பிழைத்திருக்கும்படிக்கு, அவர்தாமே தமது சரீரத்திலே நம்முடைய பாவங்களைச் சிலுவையின்மேல் சுமந்தார்; அவருடைய தழும்புகளால் குணமானீர்கள்.

 

இயேசுவின் மூலம் மட்டுமே நாம் பரிசுத்தமாக முடியும்.

 

நாம் ஜெபிப்போம்: 

 

பரலோகத் தகப்பனே, எங்கள் எல்லா அவமானங்களிலிருந்தும், எங்கள் எல்லா குற்றங்களிலிருந்தும் எங்களைச் சுத்திகரித்த, சிலுவையில் நீர் சிந்தின உமது இரத்தத்திற்காக நன்றி. நாங்கள் உம்மை கனம்பண்ணவும், எங்கள் வாழ்க்கையில் உம்மை மகிமைப்படுத்தவும் உம்மிடமிருந்து பணிவை புரிந்துகொள்ள எங்களுக்கு உதவும்.  இயேசுவின் நாமத்தில், ஆமென்.